January 27, 2022
ATLANTA (27 Janvye 2022) — Jodi a. Ajans Pwoteksyon Anviwònman (Environmental Protection Agency, EPA) te anonse yon seri sesyon ekout piblik ki pral fèt sou Pwojè Estrateji pou Redwi Ekspozisyon nan Plon ak Disparisyon nan Kominote Etazini yo (Lead Strategy), pou kominote ak moun ki gen enterè yo ka bay kòmantè yo sou plan Ajans la. Ekspozisyon kontini nan plon nan anviwònman an prezante yon risk sante pou twòp moun nan tout peyi an. Trè fèb nivo plon nan san timoun yo te lye ak efè negatif sou entelijans yo, konsantrasyon, ak reyisit nan lekòl. Pwojè Estrateji Plon an mete apwòch pou ranfòse pwoteksyon sante piblik la, pou fè fas kontaminasyon plon eritaj pou kominote ki gen pi plis ekspoze yo epi ankouraje jistis anviwònmantal.
Carlton Waterhouse, Administratè Adjwen EPA pou Biwo Jesyon Tè ak Ijans, di konsa, “Kominote ki pa desèvi ase yo ak kominote ki twò chaje yo souvan ekspoze nan plon yon fason inegal, sa ki ka lakoz efè negatif pou tout lavi yo. “Jodi a, n ap envite tout kominote ki ekspoze nan plon ak lòt moun ki gen enterè yo pou pataje pèspektiv yo pou EPA kapab asire ke Pwojè Estrateji nou an pou Redwi Ekspozisyon ak Disparisyon Plon nan Kominote Etazini yo otan ke posib.”
Sesyon vityèl pou ekout piblik yo pral fèt nan tout 10 biwo jewografik EPA yo. Rejyon 4 EPA a pral òganize yon seyans ekout nan dat 24 Fevriye 2022 a, apati 6:00 p.m. jiska 8:00 p.m. EST. Enskripsyon pral obligatwa pou patisipe nan evènman an. Ou ka jwenn lyen pou enskripsyon nan chak sesyon pou ekout rejyonal yo sou sit entènèt EPA a nan: https://www.epa.gov/lead/draft-strategy-reduce-lead-exposures-and-disparities-us-communities. N ap bay sipò entèpretasyon ak aksè pou moun andikape.
Pandan evènman sa a, manm piblik ki enskri yo pral gen yon opòtinite pou pataje kòmantè yo sou pwojè Estrateji Plon EPA a ak gwo responsab ak manadjè EPA yo. Moun ki enterese pale yo ka enskri pou yon plas 3 minit pou pale nan moman enskripsyon an.
Nou ankouraje manm piblik la ki pa kapab patisipe nan evènman sa a pou yo patisipe nan nenpòt nan 10 sesyon ekout yo oswa pou yo soumèt kòmantè atravè dosye a nan: http://www.regulations.gov, Idantifikasyon Dosye: EPA-HQ-OLEM-2021-0762 jiska 16 Mas 2022.
Pou jwenn plis detay sou pwojè Estrateji Plon an, sesyon ekout vityèl yo, oswa fason pou bay kòmantè piblik, tanpri vizite: https://www.epa.gov/lead/draft-strategy-reduce-lead-exposures-and-disparities-us-communities.
[ad_2]
Originally Appeared Here